Post by hodaharb on Dec 5, 2010 10:15:04 GMT -5
السلام عليكم يا قمرات و لكل الموجودين و منورين التغطيه هاقولكوا على السريع كده ايه اللى انا شوفته فى الندوه اولا احسن ما فى الندوه طبعا وجود مراد اللى كان مغطى حضوره على حضور الجميع و اينعم الندوه كلها كان التركيز فيها على مراد بس ده مش ذنبه الراجل نجم وهو مش مسئول عن تصرفات الاخرين و زعل الصحفيين من اللى حصل مش مشكلته هو كان ذوق و جنتل فوق الوصف و مع ان الحاضرين ماسبهوش فى حاله و هو كان شكله مرهق جامد بس هو كان حابب انه يكون وسط معجبيه و اللى كان عاوز يتصور معاه كان بيرضى حتى لو ده كان فيه ازعاج ليه بس هو حقيقى اخلاقه عاليه الى ابعد الحدود
بالنسبه للى شوفته انا كنت موجوده فى الفندق من الساعه 2 و الندوه بدأت الساعه 4 و الحمد لله قعدت فى الاول جنب الصحفيين ناحيه مراد عشان كده صورت الفيديو القصير اللى حطيته اللى هو ده
www.youtube.com/watch?v=Mr7xdTNdap4
و ماحبتش صراحه اطول فى التصوير اكتر من كده عشان مازعجش الراجل و كمان لأن الندوه كانت هاتبدأ و كنت عاوزه اركز فى كلامه و لما بدأت الندوه رئيسه الندوه الدكتورع ليلى كان واضح انها معجبه كتير بمراد و بشخصيته و بتمثيله فى مسلسل عاصى و قالت انها سمع اهم بيقولوا عن مراد انه مهند التانى و ده مش عاجبها لأنها تعتقد ان مهند هو مراد التانى و طبعا الكل فرح و سقف و بعدين كان اللى عاوز يسأل سؤال للحاضرين يكتبه فى ورقه و يبعته و انا ماكنش فى دماغى حاجه صراحه بس سألت سؤال عن نهايه مسلسل الحب و العقاب سعيده ام حزينه هو قال رد ان مايعرفش النهايه لأن الحلقات بتوصله اسبوعيا و هو نفسه هايعرف النهايه معانا و كل الاسئله كانت لمراد سواء عن مسلسل عاصى او توبا او الطفله اللى كانت معاه فى المسلسل و هو قال ان توبا ممثله جميله و هما كانوا اصدقاء فقط فى موقع التصوير و ان اسيا مش بنته فى الحقيقه و ان والدتها ووالدها كانوا موجودين معاها فى موقع التصوير و هما برده ممثلين فى المسلسل و انه مبسوط جدا بجمهوره فى مصر و كان يتمنى يقعد فتره اطول بس ارتباطه بالتصوير هو السبب فى الزياره القصيره
و مراد كان متواضع كتير كالعاده حتى كان بيقوم بنفسه ياخد الاسئله من الولد الىل جنبى و يعطيها للدكتوره ليلى عشان تقرأها
و دول كام صوره اخدتهم و انا هناك برده مش كتير لأن المعجبات كانو ما شاء الله محوطين مراد طول الوقت و هو كان صعبان عليا و الله لأنه كان تعبان لأنه كان واضح انه ما نامش و فى نفس الوقت مش عاوز يكسف حد حتى انا لأنه لما جيت اتصور معاه استنى شويه لحد ما لاقيت حد يلقط الصوره و الحمد لله تمت الصوره بنجاح الى حد ما لأن حكايه الصوره مش ناجحه معايا اوى لأنى لازم تجيلى حاجه نحس تبوظ عليا اللحظه بس الحمد لله الصوره طلعت برده و طبعا قصيت نفسى من الصوره لأن كفايه مراد فيها مش عاوزه انا اخوضكوا
ودى صور صورتها و انا قاعده اول ما بدأت الندوه
ماعرفش الصوره ديه ليه طلعت صغيره اوى كده تقريبا التليفون كمان كان مش مصدق انه بيصور مراد ههههههههه
و دى صوره اتصورتها مع الممثله سعاده اللى كانت موجوده برده فى الندوه و كانت عسوله و بسيطه مع انى ماعرفهاش و لا عمرى شوفتلها حاجه بس حبيتها و اخدت معاها الصوره دى و الحته الخضرا دى بتاعتى انا بس ماحبتش اخوضكوا اكتر من كده
و معلش ماتصورتش مع ميلتم لأنى مش بطيقها صراحه سورى لمحبيها
و سورى كمان ان الصور مش واضحه اوى اصل انا بغبائى نسيت اخد كاميرا معايا معلش
عموما الندوه كانت جميله طبعا بوجود مراد و اليوم كان اكثر من رائع و حصلت فيه اكتر من حاجه جميله و لو قعدت احكى مش هابطل كلام و حكاوى اللى حصل فى الندوه بس احلى شىء ان اليوم كله كان خاص بمراد يلدريم اللى ماكنتش احلم ان اشوفه معدى فى الشارع ما بالكم اتصور معاه و احضره له ندوه و كمان اقعد فى الاول بأمانه عقبالكم جميعا يا محبين الفنان المبدع مراد
بالنسبه للى شوفته انا كنت موجوده فى الفندق من الساعه 2 و الندوه بدأت الساعه 4 و الحمد لله قعدت فى الاول جنب الصحفيين ناحيه مراد عشان كده صورت الفيديو القصير اللى حطيته اللى هو ده
www.youtube.com/watch?v=Mr7xdTNdap4
و ماحبتش صراحه اطول فى التصوير اكتر من كده عشان مازعجش الراجل و كمان لأن الندوه كانت هاتبدأ و كنت عاوزه اركز فى كلامه و لما بدأت الندوه رئيسه الندوه الدكتورع ليلى كان واضح انها معجبه كتير بمراد و بشخصيته و بتمثيله فى مسلسل عاصى و قالت انها سمع اهم بيقولوا عن مراد انه مهند التانى و ده مش عاجبها لأنها تعتقد ان مهند هو مراد التانى و طبعا الكل فرح و سقف و بعدين كان اللى عاوز يسأل سؤال للحاضرين يكتبه فى ورقه و يبعته و انا ماكنش فى دماغى حاجه صراحه بس سألت سؤال عن نهايه مسلسل الحب و العقاب سعيده ام حزينه هو قال رد ان مايعرفش النهايه لأن الحلقات بتوصله اسبوعيا و هو نفسه هايعرف النهايه معانا و كل الاسئله كانت لمراد سواء عن مسلسل عاصى او توبا او الطفله اللى كانت معاه فى المسلسل و هو قال ان توبا ممثله جميله و هما كانوا اصدقاء فقط فى موقع التصوير و ان اسيا مش بنته فى الحقيقه و ان والدتها ووالدها كانوا موجودين معاها فى موقع التصوير و هما برده ممثلين فى المسلسل و انه مبسوط جدا بجمهوره فى مصر و كان يتمنى يقعد فتره اطول بس ارتباطه بالتصوير هو السبب فى الزياره القصيره
و مراد كان متواضع كتير كالعاده حتى كان بيقوم بنفسه ياخد الاسئله من الولد الىل جنبى و يعطيها للدكتوره ليلى عشان تقرأها
و دول كام صوره اخدتهم و انا هناك برده مش كتير لأن المعجبات كانو ما شاء الله محوطين مراد طول الوقت و هو كان صعبان عليا و الله لأنه كان تعبان لأنه كان واضح انه ما نامش و فى نفس الوقت مش عاوز يكسف حد حتى انا لأنه لما جيت اتصور معاه استنى شويه لحد ما لاقيت حد يلقط الصوره و الحمد لله تمت الصوره بنجاح الى حد ما لأن حكايه الصوره مش ناجحه معايا اوى لأنى لازم تجيلى حاجه نحس تبوظ عليا اللحظه بس الحمد لله الصوره طلعت برده و طبعا قصيت نفسى من الصوره لأن كفايه مراد فيها مش عاوزه انا اخوضكوا
ودى صور صورتها و انا قاعده اول ما بدأت الندوه
ماعرفش الصوره ديه ليه طلعت صغيره اوى كده تقريبا التليفون كمان كان مش مصدق انه بيصور مراد ههههههههه
و دى صوره اتصورتها مع الممثله سعاده اللى كانت موجوده برده فى الندوه و كانت عسوله و بسيطه مع انى ماعرفهاش و لا عمرى شوفتلها حاجه بس حبيتها و اخدت معاها الصوره دى و الحته الخضرا دى بتاعتى انا بس ماحبتش اخوضكوا اكتر من كده
و معلش ماتصورتش مع ميلتم لأنى مش بطيقها صراحه سورى لمحبيها
و سورى كمان ان الصور مش واضحه اوى اصل انا بغبائى نسيت اخد كاميرا معايا معلش
عموما الندوه كانت جميله طبعا بوجود مراد و اليوم كان اكثر من رائع و حصلت فيه اكتر من حاجه جميله و لو قعدت احكى مش هابطل كلام و حكاوى اللى حصل فى الندوه بس احلى شىء ان اليوم كله كان خاص بمراد يلدريم اللى ماكنتش احلم ان اشوفه معدى فى الشارع ما بالكم اتصور معاه و احضره له ندوه و كمان اقعد فى الاول بأمانه عقبالكم جميعا يا محبين الفنان المبدع مراد